Shumica e amerikanëve nuk pajtohen me mënyrën se si Presidenti Donald Trump po trajton politikën e jashtme të SHBA-ve dhe rreth gjysma mendojnë se gjendja globale e vendit do të përkeqësohet gjatë viteve të ardhshmE, sipas një sondazhi që theksoi ndarjet partiake për shkak të çështjeve të jashtme.
Sondazhi, i kryer nga Associated Press-NORC Qendra për Studime të Marrëdhënieve me Publikun, gjithashtu gjeti ndarjet e publikut në lidhje me planin e presidentit për t’i hequr trupat amerikane nga Siria dhe ndoshta nga Afganistani, ku rreth një e katërta nuk kanë një mendim në një mënyrë apo tjetrën.
Në përgjithësi, presidenti merr nota të ulëta nga publiku për punën e tij që trajton politikën e jashtme – 35 për qind pajtohen, ndërsa 63 për qind nuk pajtohen. Ashtu si çështje të tjera, ndarja e përkrahësve është befasuese. 76 për qind e republikanëve pajtohen, vetëm 8 për qind e demokratëve e thonë të njëjtën gjë.
“Unë mendoj se çdo herë që të merremi i me Rusinë ose Korenë e Veriut, do të jetë një biznes i keq”, tha Samantha Floeers, një mësuese 30-vjeçare nga Kolumbia, Misuri.
“Gjithashtu, mënyra se si po i trajton vendet tona fqinje – veçanërisht Meksikën, mendoj se është kundër vlerave tona amerikane në përgjithësi. Ne kemi qenë një vend mikpritës dhe i mëshirshëm”, tha ajo para se të fillonte të recitonte fjalët e zbukuruara në Statujën e Lirisë, të cilai i lexoi pjesërisht: “Më jepni të lodhurit tuaj, të varfëritë tuaj, masat tuaja të grumbulluara që dëshirojnë të marrin frymë të lirë”.
Richard Cleaveland, një shofer kamioni 65-vjeçar nga Ogden, Utah, me gjithë zemër mbështet Trumpin dhe politikën e tij të jashtme.
“Unë mendoj se ai është duke bërë një punë të mirë me Korenë e Veriut, më mirë se çdokush tjetër që ka bërë ndonjëherë. Askush tjetër nuk është marrë deri tani me Korenë e Veriut”, tha ai duke iu referuar takimit të Trumpit vitin e kaluar në Singapor me Kim Jong, për të diskutuar programin e armëve bërthamore të Penhianit.
Sa i përket përfshirjees së SHBA-ve në luftërat e huaja, sipas sondazhit, 39 për qind e amerikanëve pajtohen me tërheqjen e 2.000 trupave amerikane nga Siria, ndërsa 35 për qind thonë se ata nuk pajtohen. Vendimi i presidentit mbështetet nga 56 për qind e republikanëve dhe 26 për qind e demokratëve.
“Unë mendoj se është koha që trupat tona të vijnë në shtëpi nga Iraku, Afganistani, Siria”, tha Cleaveland, duke shtuar “kam humbur shumë miq të mirë kur isha në Vietnam. Mendoj se kjo ishte një luftë idiote.”
Muajin e kaluar, Trump njoftoi se militantët e ISIS-it ishin mundur në Siri dhe se trupat amerikane do të ktheheshin në shtëpi “tani”. Plani shkaktoi dorëheqjen e Sekretarit të Mbrojtjes Jim Mattis pas kritikave nga aleatët amerikanë dhe ekspertët e sigurisë kombëtare. Më vonë, Trump dhe të tjerë thanë se ka gjasa që do të duhen disa muaj për t’i tërhequr në mënyrë të sigurt forcat amerikane nga Siria.
Amerikanët kanë pikëpamje të ngjashme rreth vendimit të pritur të presidentit për të tërhequr të paktën disa trupa nga Afganistani. 41 për qind thanë se do të pajtohen për një tërheqje nga Afganistani kundrejt 30 për qind që nuk u pajtuan.
“Ushtria jonë nuk duhet të jetë policia e botës”, tha Robert Granger, një përfaqësues 44-vjeçar i shitjeve nga Bristoli, Tennessee. “Ne nuk i përkasim të gjitha këtyre vendeve të tjera. Ne duhet t’i tërheqim trupat tona në shtëpi dhe t’i lëmë vendet e tjera të kujdesen për veten”.
Ndarjet partiake janë të dukshme kur bëhet fjalë për pikëpamjet e amerikanëve për rolin e Shteteve të Bashkuara në botë, për pozitën e saj globale dhe marrëdhëniet e saj me kombet e tjera.
Demokratët kanë më shumë gjasa se republikanët të thonë se Shtetet e Bashkuara duhet të luajnë një rol më aktiv në zgjidhjen e problemeve të botës.
43 për qind e demokratëve mendojnë se Shtetet e Bashkuara duhet të jenë më aktive, krahasuar me 23 për qind që mendojnë se duhet të jetë më pak aktive, 32 për qind e demokratëve thonë se roli aktual i vendit është rreth së drejtës.
Republikanët e shohin atë ndryshe. Katër në 10 republikanë thonë se SHBA duhet të jenë më pak aktive në zgjidhjen e problemeve të botës, ndërsa 46 për qind mendojnë se roli i tanishëm në çështjet botërore është i drejtë. Vetëm 13 për qind e republikanëve mendojnë se roli i SHBA-ve duhet të jenë më aktiv.
Republikanët gjithashtu mendojnë se gjendja globale dhe marrëdhëniet me vendet e tjera do të përmirësohen ose do të qëndrojnë të njëjta gjatë viteve të ardhshme. Demokratët në masë të madhe presin që marrëdhëniet e SHBA-ve me vendet e tjera të përkeqësohen.
44 për qind e republikanëve thonë se gjendja e vendit në botë do të përmirësohet dhe një tjetër prej 35 për qind thonë se nuk do të ndryshojë. Për krahasim, 77 për qind e demokratëve mendojnë se gjendja globale e vendit do të përkeqësohet.
Në vlerësimin e kërcënimeve globale ndaj Shteteve të Bashkuara, sondazhi konstatoi: 55 për qind e amerikanëve konsiderojnë se grupet ekstremiste, militante janë shumë shqetësuese, ndërsa një tjetër prej 29 për qind e quajnë kërcënimin e moderuar.
Rreth gjysma thonë se ata janë shumë të shqetësuar për kërcënimet e programit bërthamor të Koresë së Veriut (52 për qind) dhe programit bërthamor të Iranit (48 për qind).
Ndërsa gati gjysma e amerikanëve, diku prej 47 për qind e konsiderojnë ndikimin e Rusisë në mbarë botën si shumë shqetësuese, pak më pak se 40 për qind e tyre thonë të njëjtën gjë për ndikimin e Kinës në mbarë botën. Megjithatë, shumica e konsiderojnë ndikimin e të dy vendeve si shqetësuese. /tesheshi.com/
