Goli me Barcelonën, mënyra e festimit e më pas kartoni i kuq e shtyrja që i bëri arbitrit, vërtet sollën ndëshkimin e Ronaldos për 5 ndeshje, por e “afruan” edhe më tepër portugezin me tifozët madrilenë.
Për zemrat e tyre, tashmë CR7 ka zënë më tepër vend, edhe se legjenda Di Stefano. Në fakt këtë e dëshmojnë edhe statistikat, pavarësisht se Reali i Madridit ka fituar më tepër trofe në vitet ’60, krahasuar me këtë të sotmin. Por në planin personal, Ronaldo “ka bërë më shumë” sesa Di Stefano.
Mediat spanjolle i janë referuar disa statistikave. Kështu Di Stefano ka fituar 17 tituj në 13 vite që ka luajtur me Realin (8 kampionate, 1 Kupë Mbreti, 5 Kupa Kampionësh, 1 Kupë ndërkontrinentale dhe 2 Kupa Latine).
Ndërsa Ronaldo ka fituar 13 trofe, në 9 vite të luajtura (2 kampionate, 2 Kupa të Mbretit, 3 Champions League, 1 superkupë të Spanjës, 3 superkupa europiane, 2 Botërore të Klubeve). Por nëse Di Stefano ka shënuar 307 gola në 396 ndeshje, pra me 0.77 gola për ndeshje të luajtura, portugezi ka shënuar deri tani 408 gola, ose 1.03 gola për ndeshje. E kjo shifër, e bën të vetmin në historinë e futbollit, që ka shënuar të paktën 1 gol për cdo ndeshje të luajtur. /tesheshi.com/
