Shifrat e rritjes ekonomike të Gjermanisë, të publikuara këtë mëngjes, tregojnë se gjigandi ekonomik ka shmangur ngadalë rrëshqitjen në recesion. Zyra Federale e Statistikave njoftoi sot në mëngjes se ekonomia ishte rritur me 0,1% në tremujorin e tretë të vitit 2019.
Rezultatet e papritura flisnin për një rritje të shpenzimeve të konsumit privat dhe shtetëror, si dhe një rritje e vogël të eksporteve pas një periudhe ngadalësimi.
Rreth 50% e GDP-së së Gjermanisë është e bazuar në eksporte, duke e bërë atë një nga ekonomitë më të varura nga eksporti në botë e lënë atë tejet të ndjeshëm ndaj luhatjeve ekonomike globale.
Një numër i ekonomistëve kishin pritur një recesion teknik pasi efektet e luftës tregtare SHBA-Kinë bënë efektin e vet. Kina është një blerës kryesor i makinave të prodhuara gjermane, dhe tregtia është parë gjerësisht si thelbësore për industrinë gjermane të automobilave, duke qenë se eksporton rreth 77 % të automjeteve drejt superfuqisë aziatike.
Rezultatet nënkuptojnë që Berlini, dhe në fakt e gjithë Eurozona, shmangën etiketën e frikshme të recesionit. Megjithatë, norma e vogël e rritjes mbetet sfidat kryesore ekonomike për vendin. /tesheshi.com/
