Goditja që tregu i punës ka marrë nga epidemia koronare, vlerësohet si “kriza më e rëndë që nga Lufta e Dytë Botërore”, pasi 1.25 miliardë punëtorë janë në rrezik të shtuar për pushime nga puna ose ulje të pagave, paralajmëron Organizata Ndërkombëtare e Punës (ILO).
Një studim i ri i publikuar nga ajo agjenci e Kombeve të Bashkuara tregon se Corona mund të zvogëlojë 6.7 orë punë në të gjithë botën vetëm në tremujorin e dytë të vitit 2020, ekuivalent me 195 orë milion punë të humbura me kohë të plotë (me javë pune 48-orëshe).
Këto humbje të rënda të punës priten veçanërisht në vendet me të ardhura pak më të larta se mesatarja (100 milion vende pune me kohë të plotë), “duke tejkaluar shumë efektet e krizës financiare të 2008 dhe 2009”.
Në përgjithësi, këto humbje të mëdha të orëve dhe vendeve të punës janë “kriza më e keqe pas Luftës së Dytë Botërore”, paralajmëron ILO.
Kancelarja gjermane Angela Merkel tha të hënën se Bashkimi Evropian është duke u përballur me sfidën më të madhe që nga fillimi i saj.
“Ne po përballemi me një sfidë të madhe për shëndetin e qytetarëve, dhe të gjitha vendet anëtare të Unionit po përballen me të. Prandaj, duhet të jetë në interes të të gjithëve, përfshirë edhe Gjermaninë, që të mos dalë nga kjo krizë si e dobësuar, por më e fortë”, tha ajo.
Ajo theksoi se kjo krizë ka parë se sa ekonomi janë të ndërlidhura dhe të ndërthurura dhe se përgjigja duhet të jetë vetëmnjë Evropë më e fortë që funksionon më mirë në të gjitha pjesët e saj, dhe kështu në të gjithë anëtarët e saj. /tesheshi.com/
