Të prirur për t’u vetndjerë “qendra e botës” në të këqija, “ikjet” duket se nuk janë vetëm shqiptare. Madje dhe atje ku shqiptarët duan të shkojnë më së shumti – në SHBA – ekziston një tendencë për “ikje”.
Sipas një sondazhi të kryer nga Instituti Gallup, në vitin 2017 dhe 2018, 16 përqind e popullsisë së SHBA treguan një dëshirë për ikje.
Mesatarisht, dëshira e popullsisë për t’u larguar nga Shtetet e Bashkuara deri më tani ka qenë më e madhe në një kohë kur në krye të Shtëpisë së Bardhë ishte republikani Xhorxh W. Bush. Bëhet fjalë 11% e amerikanëve që donin të emigronin.
Ndërsa sa i përket epokës Obama, të dhënat e Gallup flasin për rreth 10 për qind të popullsisë së Shteteve të Bashkuara që kërkonte të largohej.
Duhet të theksohet se dëshira për emigrim dhe largimi nga vendbanimi aktual, janë dy gjëra të ndryshme. Gallup thekson se të dhënat janë një reflektim i gjendjes aktuale të banorëve të vendit në të cilën jetojnë. Pra, njësoj si në Shqipëri: ekzistojnë tendenca emgrimi e gjithashtu tendenca zhvendosjeje nga vendbanim në tjetrin.
E tashmë që SHBA udhëhiqen nga Donald Trump, 20 përqind e popullsisë femërore dëshiron të largohet nga Shtetet e Bashkuara, duke përfshirë 40 përqind të grave nën moshën 30 vjeç.
Ndërsa nën Obamën, donte të emigronte 10 përqind të popullsisë femërore.
Kur është fjala për popullsinë mashkullore, duket se epoka e Trump duket të jetë e përshtatshme për ta. Vetëm 13 për qind e meshkujve shprehën dëshirën e tyre për t’u larguar nga vendi, gjë që është e ngjashme me periudhat në të cilat udhëhiqte Obama (10 përqind) dhe Bush Junior (11 përqind). /tesheshi.com
