Aeroporti i ri dhe i tretë i Stambollit u hap zyrtarisht më 29 tetor 2018, në 95-vjetorin e themelimit të Republikës së Turqisë, dhe deri më tani ai kompleks imponues u ka shërbyer pothuajse 1.5 milionë avionëve që janë ngritur e ulur aty, raporton Anadolia.
Fluturimi i parë për në Aeroportin e ri të Stambollit u zhvillua më 21 qershor 2018, me uljen e avionit presidencial TC-ANK në pistën e parë, 3750 metra e gjatë dhe 60 metra e gjerë.
Sipas të dhënave të mbledhura nga Anadolu, rreth 209.8 milionë pasagjerë kanë kaluar nëpër megaaeroportin që nga hapja e tij.
Aeroporti i ri i Stambollit trajtoi vetëm 95,205 pasagjerë në vitin 2018 dhe 51.9 milionë një vit më vonë.
Ai mori trafikun ajror nga Aeroporti Ataturk më 6 prill 2019.
Rreth 23.3 milionë njerëz udhëtuan përmes aeroportit të ri të Stambollit dhe 185,642 avionë u shërbyen në vitin 2020, kur pandemia goditi trafikun ajror në të gjithë botën.
Në vitin 2021, ky aeroport u përdor nga 37 milionë pasagjerë dhe 280,108 avionë.
Vitin e kaluar në aeroportin e ri të Stambollit u ulën dhe u ngritën 425.890 avionë, ndërsa trafiku i pasagjerëve arriti në 64.3 milionë. /tesheshi.com/
