Sipas raportit të fundit të Entit Shtetëror për Statistikë, profesionet më të paguara në Republikën e Maqedonisë janë shënuar në industrinë kompiuterike.
Statistikat e muajit mars tregojnë se ka rritje të pagave për profesionistët IT-kompiuter, ndërsa pas tyre për nga paga më e lartë, rradhiten të punësuarit në sektorin e telekomunikacionit dhe veprimtaritë e shërbimeve financiare.
Afër 55 mijë denarë(900 euro) futen në llogaritë e të punësuarve në sektorin e programimit kompiuterik, ndërsa ata që punojnë në sektorin e shërbimeve financiare paguhen 45 mijë denarë, gjegjësisht 750 euro në muaj.
Pas këtyre dy profesioneve të lartëpërmendura, paga më të larta mesatare shënohen në sektorin e furnizimit me energji elektrike, gas, avull dhe ajër të kondicionuar, 38 mijë denarë(630 euro) dhe rrogat në sektorin e nxjerrjes së xeheve dhe gurëve të tjerë, 34 mijë denarë(570 euro).
Një profesion tjetër i veçantë sipas Entit Shtetëror për Statistikë është ai i aviacionit(kontrollit të fluturimeve), ku bruto paga arrin 84 mijë denarë(1400 euro).
Rroga mesatare neto për të punësuar në muajin mars ka qenë 23.694 denarë(390 euro). /tesheshi.com/
