Grupi i Shtatë i vendeve më të zhvilluara në botë (G7) njoftoi një ndalim të drejtpërdrejtë të tregtisë së diamanteve ruse nga 1 janari, i ndjekur nga kufizime graduale në importet indirekte të gurëve të çmuar rusë nga 1 marsi.
Më vonë, nga 1 shtatori, G7 do të prezantojë gjithashtu një mekanizëm verifikimi dhe certifikimi për diamantet e papërpunuara, raportoi Reuters.
Grupi ka shqyrtuar propozime të ndryshme se si të kufizojë importet e diamanteve ruse, me Bashkimin Evropian që propozon një paketë që përfshin një ndalim total, por në pritje të koordinimit nga G7 për të ecur përpara.
Ndalimi përjashton diamantet për përdorim industrial, si dhe gurët e lëmuar.
Lufta kundër diamanteve “të gjakut”
“Jam i kënaqur që G7 ka zbatuar parimet kryesore të propozimit belg”, tha kryeministri belg Alexander De Croo.
Sipas tij, sistemi i lançuar është “një hap tjetër në punën pioniere që Belgjika filloi 25 vjet më parë në luftën kundër ‘diamantëve të gjakut’”.
Reuters thekson se deklarata e G7 i ofroi sektorit të diamanteve të Antwerpenit një mundësi unike për t’u zhvilluar më tej në një qendër tregtare për diamante të pastër.
Diamantet përfaqësojnë një sektor të rëndësishëm të ekonomisë belge, ku Antwerp është qendra kryesore e tregtisë së diamanteve në botë. Nëpër atë qytet kalojnë shumica e gurëve të çmuar të papërpunuar nga bota. /tesheshi.com/
