Tregu gjerman, pa makina të vogla të përballueshme

Në tregun e makinave të reja në Gjermani, ka mungesë të automjeteve më të vogla të përballueshme.

“Rritja e çmimeve të makinave dhe ndërprerja e shumë modeleve më të vogla po ndikojnë në mungesën e makinave të përballueshme në treg”, tha ADAC i Gjermanisë, klubi më i madh i makinave në Evropë.

ADAC kritikoi prodhuesit e makinave se pothuajse nuk po nxjerrin modele më të vogla në treg, në një kohë kur Volksëagen dhe Peugeot njoftuan pezullimin e prodhimit të modeleve të tyre më të vogla Up dhe 108.

Nuk ka makinë të re nën 10 mijë euro

Të katër modelet më të vogla të disponueshme me një çmim të volitshëm në Gjermani – Dacia Sandero, Fiat Panda, Citroen C3 dhe Mitsubishi Space Star – kanë tejkaluar vlerën prej 10,000 euro dhe janë të vetmet që nuk i kalojnë 15,000 euro, sipas ADAC.

Kritikat u drejtuan edhe për pamundësinë e blerjes së pajisjeve shtesë të sigurisë, siç janë airbagët anësor. Nga katër modelet e listuara, vetëm Mitsubishi e ofron atë opsion, por me një tarifë shtesë në një paketë që kushton 6800 euro.

Midis 2020 dhe 2023, çmimet e makinave kanë shpërthyer, siç ka theksuar më parë ADAC. E gjithë kjo ndikon edhe në modelet bazë: mes viteve 2017 dhe 2023, makinat e vogla janë rritur me 35 për qind, dhe makinat mikro deri në 55 për qind. /tesheshi.com/