Nga Blendi Gashi
Më shumë se një politikan njihet si një komandat, luftëtar i fuqishëm çka e dëshmoi në luftën e fundit. Por Ramush Haradinaj, kryeministri i ri i cili njihet edhe me pseudonimin si “Rambo” për shkak të trimërisë që mban mbi supe, përveç në luftë ka ditur edhe paslufte të tregojë anën e tij të “ashpër” ku ka përdorur edhe grushtet.
Paslufte janë disa raste të paktën zyrtarisht që tregojnë se si kryeministri i ri kosovar është përfshirë në rrahje dhe si ka treguar anën e rreptë edhe brenda institucioneve.
Rrahja me ushtarët rusë të KFOR-it në Llozicë të Malishevës
Ngjarja që nuk harrohet kurrë është përleshja e Ramushit me trupat ruse të stacionuara në Kosovë paslufte, ndodhur menjëherë pas vitit 2000.
E gjitha ndodhi kur njësia ruse pjesë e KFOR-it kishte ndalur një veturë, në të cilën gjendej edhe Haradinaj, dhe dëshironin të kontrollonin, pork jo ishte e papranueshme për të.
Dhe dajaku raportohet se ka nisur pasi trupat ruse kanë dashur ta kontrollojnë me dhunë për çka Ramushi ka goditur rusët, të cilët më pas i janë kundërpërgjigjur.
Në disa foto që qarkullojnë ende në google shihet se si Ramushi pas përleshjes ishte arrestuar nga trupat ruse, ndërsa fytyrën e kishte me gjak. Por, ai u lirua pas ndërhyrjes së mënjëhershme të ndërkombëtarëve.
Përleshja me familjen nga Strellci
Një konflikt tjetër po në vitin 2000 ka ndodhur mes Haradinajt dhe familjes Musaj nga Strellci i Deçanit ku mbetën të plagosur disa persona.
Gjithshka çka dihet për këtë konflikt është se ka ndodhur për shkak të problemeve.
Një raport i “Associated Press”, tregon se hasmëria mes tyre është e kohës së luftës.
Tregimi i “muskujve” nga Haradinaj edhe në Kuvend
Ndërsa dy rastet e lartpërmendur ishin konfliktuoze dhe tejet të rënda për Ramushin, ai edhe pas 17 vitesh tregoi “muskujt” e tij edhe në Kuvend ku vlen të përmenden dy raste që ndodhën gjatë qeverisë “Mustafa”.
Gjuajtja e hartave ndaj Murat Mehës…
Një rast tjetër kur Haradinaj tregoi forcën e tij është përplasja me Murat Mehën, kryetarin e Komisionit Shtetëror për Demarkacionin me Malin e Zi më 13 korrik të 2015.
Acarimi i Haradinajt erdhi pas të dhënave që paraqiti Meha, sipas të cilave Kosova nuk humb territor me marrëveshjen për demarkimin e kufirit.
“Je duke na gënjyer vëlla, nuk e di a ju paguan Mali i Zi a dreqi…leri këto përralla. A keni dërguar ju ndonjë variant tuajin, a e dini ku ka qenë kufiri. Nuk po ju vjen marre të vini e të shitni këso përrallash Murat Meha e as ju tjerëve. Z. Kryetar krejt korrupsioni politik, moral, njerëzor patriotik këtu shihet edhe po vjen e po na shet përralla që një orë, nuk po ju vjen marre, katastrofë”, vazhdoi Haradinaj të shprehte pakënaqësinë ndaj Mehës. Pas këtyre fjalëve, në shenjë pakënaqësie, Haradinaj përplasi për tavoline një hartë që kishte pranë vetes.
“Çojeni te shpija këtë hartë”, u shpreh atë kohë Haradinaj dhe doli nga mbledhja e Komisionit për Punë të Jashtme.
Përplasja me punëtorin e sigurimit në Kuvend
Më 31 tetor 2015, Haradinaj tregoi forcën e tij ndaj institucioneve, kur u pengua për një moment të hyjë brenda Kuvendit për të dorëzuar dosjet e peticionit që qytetarët që nënshkruan kundër Asociacionit të Komunave Serbe dhe Demarkacionit me Malin e Zi.
Megjithatë Haradinaj shpërfilli sigurimin duke e shtyrë dhe hyri me forcë ndërsa e fyevi një prej punëtorëve që i tha se ka urdhër të mos e lejoi të hyjë në ambientet e Kuvendit.
“Kush e ka thënë atë mendim le të këshillohet me Hashimin, Kadrinë ose me Isë qenin. Shtyju, budalla”, është fjalori që përdori Haradinaj. /tesheshi.com/
