Kryeministri Edi Rama realizoi takimin e pritshëm me Sekretarin Blinken, ku për 45 minuta diskutuan çështja të cilat u bënë me dije nga kryeqeveritari shqiptar për Zërin e Amerikës.
“Diskutuam lidhur me bashkëpunimin në Këshillin e Sigurimit, marrëdhëniet biletarale, me ecuritë e reformave në Shqipëri dhe në tërësi. Besoj që prekëm të gjitha temat që janë të rëndësishme, përfshirë edhe temën e të qënit bashkë aleancën e NATO-s.”, tha Rama.
Sa i përket rezolutës për Ukrainën, kryeministri Rama tha se në këtë proces Shqipëria është përkrah Amerikës.
“Kjo nuk është një çështje e Shqipërisë, por e gjithë botës. Patjetër që në këtë proces ne do të jemi krah për krah me SHBA-të dhe sigurisht që vendimarrja u takon atyre”, tha Rama. /tesheshi.com/
