Një rezultat magjik pati stoicizmi fotografit Leonardo Sens në Brazil, i cili pas tre vitesh përpjekjesh të pasuksesshme arriti të kapte një pamje unike.
Në foton e tij që u bë virale pasi u postua në Instagram, statuja e Jezusit në Rio de Zhaneiro shihet teksa “ngre” hënën në duar.
Sens, i cili ka fotografuar pjesë të ndryshme të Rios që nga viti 2005, shpjegoi se ai ishte përgatitur për fotot e veçanta duke studiuar lëvizjet e Hënës.
Për të njëjtën arsye, ai kishte blerë një grup të ri lentesh dy vjet më parë, duke përdorur, paralelisht, aplikacione të ndryshme për të ditur momentin e saktë kur hëna do të jetë drejtpërdrejt mbi statujën e Jezusit, një nga pamjet ikonike në Rio de Zhaneiro.
Përpjekja e tij e parë, të shtunën e kaluar, në fakt filloi me retë në qiell, por më në fund moti rezultoi të ishte aleati i fotografit brazilian ndërsa hëna filloi të zbriste.
“Shkova më herët seç duhej dhe gjithçka që duhej të bëja ishte të rregulloja trekëmbëshin dhe të prisja që hëna të vinte aty ku ëndërroja”, ka përfunduar Sens për foton e tij magjike. /tesheshi.com/
