Prokurorët gjermanë kanë kërkuar tre vjet burg për një ish-roje 93-vjeçar në kampin e përqendrimit Stutthof, aty ku u shuan më shumë se 5,000 njerëz.
Prokurori Lars Mahnke i tha një gjykate në Hamburg se Bruno Dej kishte ndihmuar në likuidimin e 5,230 të arrestuarve, kryesisht hebrenj polakë.
“I pandehuri e dinte saktësisht se për çfarë bëhej fjalë dhe ai nuk mund të pretendojë se nuk i ka vërejtur krimet,” tha Mahnke, duke vlerësuar se ishte një “krim i papërshkrueshëm”.
“Të jesh përballë vrasjeve masive të organizuara nga shteti dhe të mos bësh asgjë, por thjesht të presësh që të përfundojnë së bashku…,” shtoi ai.
Bruno Dey, i moshës 17-18 vjeç, si anëtar i SS, punoi si roje sigurie në kampin Stutthof afër Gdansk, përmes të cilit kaluan më shumë se 100,000 të arrestuar, kryesisht hebrenj polakë.
Qëllimi i Stutthof ishte likuidimi i të arrestuarve dhe është një nga kampet që kishte krematoriumin e vet.
Dej mohon të gjitha akuzat dhe pretendon se ai thjesht po kryente urdhra.
Për shkak se ai ishte nën moshën 18 vjeç në kohën e krimit, ai po gjykohet sipas ligjit për të mitur. /tesheshi.com/
