Të paktën tre vetë humbën jetën në stuhinë “Sebastian” që përfshiu Gjermaninë, ku erërat arritën një shpejtësi prej 130 kilometra në orë.
Stuhia goditi perëndimin dhe veriun e Gjermanisë, ndërsa po shkon drejt lindjes, njoftuan meteorologët.
Disa rajone gjermane këshilluan banorët të qëndrojnë në shtëpi, ndërsa shërbimet e emergjencës u angazhuan në pastrimin e rrugëve dhe rikthimin e energjisë elektrike në zonat ku pati dëmtime.
Sipas shërbimeve lokale të zjarrfikësve, trupi i pajetë i një invalidi, ulur në karrocë, u gjet në një lumë në qytetin verior të Hamburgut.
Dëshmitarët e panë atë të binte në ujë, por pavarësisht përpjekjeve, ata nuk mundën t´a shpëtojnë.
Ndër viktimat, ishte gjithashtu një këmbësor në Hamburg, i cili u godit nga një shufër metali që ra nga kati i shtatë i ndërtesës..
Sipas policisë lokale, viktima e tretë është një burrë 53 vjeçar, i cili ra nga një pemë në qytetin e Brionit. /tesheshi.com/
