Tre shqiptarë janë dënuar nga një gjykatë në Britaninë e Madhe nga 2 deri në 9 vjet për trafik të lëndëve narkotike.
Shqiptarët u arrestuan nga detektivë të Agjencisë Kombëtare të Krimit dhe Policia e MET, ndërsa dolën nga një taksi në Stratford, në lindje të Londrës, dhe iu afruan një BMW të parkuar. Kur policia ndaloi BMË dhe e kontrolloi atë, gjeti 178,000 paundë dhe rreth 500 gramë kokainë.
Sipas Daily Mail, të arrestuarit janë Algert Lami, 23 vjeç, Roland Vasija, 20 vjeç dhe Orjon Uku, 22 vjeç.
Steve Miles, nga policia tha se “çdo grup i krimit të organizuar që transporton drogë është një biznes që mbështetet në qarkullimin e parasë. Nëse ndonjë biznes humbet një mall të shtrenjtë në mes të një transaksioni, ai fluks parash rrjedh nga të dy anët”.
“Kjo do të thotë humbje e investimeve në veprimtari të tjera kriminale, pamundësia për të paguar njerëzit e tyre, dëmtimi i besimit dhe kredibilitetit midis grupeve kriminale dhe humbja e fytyrës dhe e statusit me kolegët e tyre, ua bën më të vështirë atyre që të bëjnë biznes bashkë në të ardhmen”, shtoi ai.
23-vjeçari Lami u deklarua fajtor për posejdim të dokumenteve të rreme dhe shpërndarje droge dhe u dënua me 9 vjet burg. Ndërkohë 20 vjeçari Vasija u dënua me 2 vjet burg për posejdimin e shumës prej 178 mijë paundë dhe Uku u deklarua fajtor për posedim dhe shpërndarje drogës së klasës A dhe B, duke u dënuar me 6 vjet burg. /tesheshi.com/
