Autoritetet amerikane i kanë bërë thirrje Iranit që të heqë dorë nga lëshimi i tre raketave brenda programit hapësinor, siç ka paralajmëruar, duke vlerësuar se do të ishte një provokim.
“Ministria iraniane e Mbrojtjes tha se do të nisë tre raketa hapësinore në muajt e ardhshëm. Një veprim i tillë do të tregonte edhe një herë dështimin e Iranit për të përmbushur rezolutën 2231 të Këshillit të Sigurimit të OKB-së, i cili e detyron Iranin që të mos kryejë aktivitete me raketa balistike”, tha Sekretari i Shtetit Mike Pompeo.
Sipas tij, zyrtarët amerikanë po e këshillojnë Iranin të heqë dorë nga “provokime” të tilla dhe të ndalojë të gjitha aktivitetet me raketa balistike me qëllim që të shmanget izolimi ekonomik dhe diplomatik.
Zëdhënësi i Ministrisë iraniane të Mbrojtjes, Ghasem Taghizadeh tha në fund të nëntorit se Irani do të niste tre raketash satelitore në hapësirë.
Por Pompeo tha se teknologjia e përdorur për një nisje të tillë ishte e njëjtë sikur ajo me raketat balistike, duke përfshirë raketa interkontinentale të afta për të goditur territorin amerikan.
Uashingtoni e trajton Teheranin si një prej armiqve më të mëdhenj të saj duke futur sanksione ekonomike pas tërheqjes nga një marrëveshje bërthamore nënshkruar nga Obama, por që Trump e konsideron të keqe. /tesheshi.com/
