Përfaqësues nga Turqia ishin në Fier për të parë nga afër vendin e përcaktuar për ndërtimin e spitalit të premtuar nga Erdogan, i cili do të merr formë në një kohë rekord prej tre muajsh.
Prezent dhe kryemininistri Rama, aty u fol për koston e spitalit dhe krahun e punës.
“Po diskutonim dje me Huseinin dhe më tha që në Turqi, në punët e mëdha publike, minimum apo le të themi minimumi mesatar i forcës së punës ishte 400 orë në muaj.
Kjo është e rëndësishme që njerëzit tanë ta dinë.
Në projekt, pra në thelb është shumë afër me atë që ndodh këtu në punët publike, prandaj është me rëndësi që njerëzit ta dëgjojnë këtë sepse ndonjëherë ka vështirësi për ta kuptuar këtë gjë, e ndonjëherë njerëzit bëjnë krahasime me Gjermaninë dhe me Francën”, tha Rama.
Përfaqësuesi turk tha se një pjesë e forcës së punës do jetë shqiptare. “Patjetër që do përdorim edhe forcën e punës shqiptare, ne presim minimum 20-30% e punonjësve të jenë nga forca e punës shqiptare dhe vëllezërit shqiptarë do na mbështesin për këtë.
Dhe të gjithë produktet që ne do i gjejmë në Shqipëri, të bëra këtu, do preferojmë t’i blejmë këtu, pjesa tjetër do vijë direkt nga Turqia”, tha ai.
Siç tha ai, vlera e ndërtimit të spitalit do jetë 60 deri në 70 milion euro. /tesheshi.com/
