Kryeministri Rama shfrytëzoi një konferencë për media në Berlin ,së bashku me Kancelarin Shcolz dhe Presidenten e KE-së Von der Leyen, për të shprehur pezmin e tij mbi vizat ende të pahequra për Kosovën.
Ai vlerësoi tre marrëveshjet e nënshkruara në kuadër të Procesit të Berlinit, të cilat i quajti tepër të rëndësishme, edhe pse, siç tha, ishin miratuar më parë mes shteteve në kuadër të Ballkanit të Hapur, porse sipas tij, ajo që vijon me Kosovën, moslëvizja e lirë, është e papranueshme.
“Është shumë e rëndësishme ajo që nënshkruam sot. Nuk mund të mos theksoj se këto marrëveshje ishin tri marrëveshje të cilat prisnim me padurim t’i kishim prej dy-tri vitesh, ishin të bllokuar.
Kancelari, ekipi i tij, punuan shumë për të bindur gjithkënd për t’i nënshkruar, të cilat i kishim tashmë në kuadër të Ballkanit të Hapur. Është shumë e rëndësishme që gjithkush është përfshirë tani në këtë.
Sigurisht tingëllon e çuditshme për popullin e Kosovës që ndërkohë që ata bënë një marrëveshje për të lëvizur lirisht me kartat e identitetit, ata nuk mund të lëvizin lirisht si të tjerët në rajon kur vjen fjala për të shkuar në vendet e BE-së”, tha Rama me në krah dy emra të politikës gjermane, një në Berlin e një në Bruksel.
Kancelari Scholz nga ana e tij vlerësoi atë që ishtë arritur deri më tan inga Procesi i Berlinit.
“Që në 2014 procesi i Berlinit ka dhënë një kontribut vërtet të frytshëm te njerëzit. Rrugë të reja, marrëdhënie të reja këto kanë qenë kyçe për ekonominë e vendeve. Tregohet serioziteti i 6 vendeve të Ballkanit Perëndimor për vlerat e Bashkimit Evropian. Këto marrëveshje, për diplomat, kartat e ID dhe njohjen e kualifikimeve të tri profesioneve e bëjnë bashkë rajonin,” deklaroi kancelari gjerman. /tesheshi.com/
