Lëvizja Pesë Yje është e gatshme për koalicion me Partinë Demokratike nëse pajtohet për një seri kushtesh të kërkuara, konfirmoi Luigi Di Maio, kreu i asaj partie anti-sistem, duke lënë të kuptohet se ai do të negocionte pa kompromis një koalicion të mundshëm, raporton Reuters.
Di Maio duket se ka vendosur një linjë të pakalueshme pas raundit fillestar të bisedimeve me kryeministrin Giuseppe Conte, duke thënë se Partia Demokratike do të duhet të miratojë një varg politikash nëse dëshiron të qeverisë.
“Pikat e programit tonë janë shumë të qarta. Nëse ato përfshihen në programin e qeverisë, atëherë mund të fillojmë. Nëse jo, do të ishte më mirë të shkonim në votime sa më shpejt të jetë e mundur”, tha Di Maio.
Ndër masat që ai përmendi ishte kërkesa e tyre për të zvogëluar numrin e parlamentarëve, për të hequr koncesionin e autostradës në Atlantia, si dhe për të miratuar një ligj për frenimin e operacioneve të OJQ-ve që lidhen me migrantët e paligjshëm në det.
Por ndërkohë, Pesë Yjet ka miratuar një program me 20 pika, i cili është pak më i butë se deklaratat e udhëheqësit të saj dhe nuk përmend ligjin e migrantëve, i cili është një gjemb në sytë e majtëve italianë.
Mesazhi i ashpëri Di Maios zhyti optimizmin në rritje se marrëveshja midis Lëvizjes Pesë Yje dhe Partisë Demokratike mund të ishte afër, duke bërë që tregjet financiare të prishen.
Partia Demokratikei kërkoi menjëherë sqarime Pesë Yjeve nëse ende dëshirojnë marrëveshjen.
Një burim në PD pretendon se kërkesat e ashpra të bëra nga Di Maio janë një mesazh për mbështetësit e tij që ai nuk do t’i tradhtojë.
Disa zyrtarë të lartë të Pesë Yjeve nuk kanë besim ndaj çdo pakti me Partinë Demokratike, nga frika se partia anti-stem, e cila tashmë po humbet mbështetjen, do të shkatërronte më tej besueshmërinë e saj, vuri në dukje Reuters.
Ndërkohë, Giuseppe Conte, deputeti për formimin e qeverisë së re italiane, ka filluar diskutimet me të gjitha forcat politike italiane, përfshirë Partinë Demokratike dhe Lëvizjen Pesë Yje, me të cilët do të mblidhet një grup i ri qeverisës. /tesheshi.com/
