Policia në Kongresin Amerikan kërkoi falje të martën për “lëshimet” gjatë sulmit vdekjeprurës nga mbështetësit e ish-Presidentit Donald Trump në 6 kanar.
Zyrtarët pranuan një numër gabimesh: inteligjencë të ndryshme, përgatitje të pamjaftueshme dhe mobilizim të agjencive partnere.
Ata bënë thirrje për përmirësimin e strukturave të komunikimit dhe sistemeve më të mira të përgjegjësisë.
Pesë viktima në trazirat
“Unë jam këtu për të shprehur ndjesën më të sinqerta në emër të departamentit,” tha Yolanda Pittman, shefe e policisë së Kongresit, në një deklaratë për Komitetin e Mbikëqyrjes së Financave Publike të Dhomës së Përfaqësuesve.
“Departamenti nuk ka arritur të përmbushë standardet e tij të larta, si dhe tuajat,” shtoi ajo.
Pittman tha se një pjesë e madhe e oficerëve të policisë që ishin në detyrë më 6 janar sot vuajnë nga çrregullimi i stresit post-traumatik.
Në një sulm nga ndjekësit e Trump që donin të ndalonin por vetëm vonuan konfirmimin e fitores së Joe Biden në zgjedhjet presidenciale për vetëm disa orë, pesë persona vdiqën, përfshirë një oficer policie.
Shefja e policisë tha se trazirat ishin indirekt të lidhura me vdekjen e një oficeri tjetër policie.
Mbështetësit e Trump hynë në institucion pas ftesës së tij për një tubim pranë Shtëpisë së Bardhë për të shkuar përpara Kongresit.
Një pjesë e Gardës mbetet në Uashington
Dhoma e ulët e Kongresit votoi pro shkarkimit të tij dhe dhoma e sipërme do të vendosë në shkurt nëse do ta konfirmojë atë.
Ndërkohë, ish-shefat e policisë së Kongresit kanë dhënë dorëheqjen dhe në javët pas sulmit dhe në prag të inaugurimit të Bidenit në 20 janar, më shumë se 20,000 anëtarë të Gardës Kombëtare u dërguan në qendër të Uashingtonit.
Rreth 5,000 prej tyre do të qëndrojnë në kryeqytetin amerikan deri në mes të marsit. /tesheshi.com/
