Ministri grek i Mbrojtjes Civile, Yiannis Economou ka njoftuar se shtatë oficerë të lartë në policinë greke do të largohen menjëherë nga pozicionet e tyre pas trazirave të tifozëve përpara ndeshjes së raundit të tretë kualifikues të Ligës së Kampionëve mes AEK-ut dhe Dinamos, ku u vra një person, një tifoz grek, raporton agjencia greke ANA.
08.08.2023, Street fight, AEK Athens🇬🇷 (from left) vs BBB (Dinamo Zagreb, right🇭🇷) https://t.co/Fjy3xrlEmQ pic.twitter.com/TINYrMUYDP
— Hooligans.cz Official (@hooliganscz1999) August 7, 2023
Economou tha se ishte “e papranueshme” që huliganët kroatë u lejuan të kalonin kufirin dhe të shkonin për në Athinë. UEFA ndaloi ardhjen e tifozëve mysafirë në këtë ndeshje, por 100 deri në 120 tifozë të klubit të Zagrebit mbërritën në Athinë. Në trazirat janë lënduar tetë persona të tjerë dhe 98 janë arrestuar, transmeton Hina.
Ministri Economou shtoi se çështja nuk do të ndalet me kaq dhe se mund të ketë shkarkime të mëtejshme të zyrtarëve, pas një hetimi të brendshëm për trajtimin e ngjarjeve për të përcaktuar përgjegjësinë “në të gjitha nivelet dhe në të gjitha format”.
07.08.2023, Before tomorrow match AEK Athens🇬🇷 – Dinamo Zagreb🇭🇷, ~150 BBB in AEK area, on video AEK hools looking for BBB https://t.co/Fjy3xrlEmQ pic.twitter.com/w5Bic0Mn2t
— Hooligans.cz Official (@hooliganscz1999) August 7, 2023
Ndeshja e shtyrë e xhiros së tretë të kualifikimeve për fazën e grupeve të Ligës së Kampionëve të futbollit mes AEK-ut të Greqisë dhe Dinamos, e planifikuar për të martën, do të luhet më 19 gusht, është vendosur me marrëveshje mes klubeve respektive dhe UEFA-s.
Ndeshja e Zagrebit mes kampionit kroat dhe atij grek do të luhet në datën e planifikuar, më 15 gusht, me fillim nga ora 20:00.
Më herët të martën, qeveria kroate dënoi ashpër trazirat e tifozëve, dhunën dhe huliganizmin në Athinë që çuan në humbjen tragjike të jetës së një tifozi grek dhe shprehu ngushëllimet më të thella për familjen e të riut të ndjerë, shkruan Hina.
Kryeministri kroat Andrej Plenkoviç telefonoi kryeministrin grek Kyriakos Mitsotakis dhe shprehu ngushëllimet e tij dhe dënoi dhunën. /tesheshi.com/
