E ndërsa bota po përballet me koronavirusin, aty, në atë truall kufitar, ekizstojnë të tjera sfida.
Koktejle Molotov përsëri fluturuan tejpërtej kufirit turko-grek ndërsa një grup refugjatësh u përpoqën të kapëcenin gardhin gjatë natës.
Me gaz lotsjellës dhe topa uji, policia greke kërkoi t’i zmbrapste dhe të shuante zjarret.
Incidentet janë bërë të zakonshme në dy javët e fundit në vendkalimin kufitar Kastanesh – Pazarkula, në veri të kufirit 200 kilometra.
Diku tjetër, një grup i madh refugjatësh raportohet se u zhvendosën nga Turqia në Greqi përmes detit.
Një varkë me 75 vetë mbërriti në Lesbos të premten, referuar stacionit shtetëror të Greqisë ERT.
Pak refugjatë kanë arritur të kalojnë detin që kur Presidenti turk Rexhep Tajip Erdogan urdhëroi rojen bregdetare t’i ndalonin në rrugëtimin ujor, duke përmendur shqetësime për jetën e tyre.
Në Athinë, zëdhënësi i qeverisë Stelios Petsas përsëriti pretendimet se Turqia po përdor refugjatët si presion për të përmbushur kërkesat e saj ndaj Bashkimit Evropian.
Refugjatët u vërsulën në zonën kufitare duke shpresuar të kalojnë në Evropë pasi Turqia njoftoi në 29 shkurt se kufiri ishte i hapur dhe nuk do t’i ndalonte më ato.
Greqia është përgjigjur në mënyrë të vendosur dhe njoftoi se nuk do të lejojë askënd të hyjë nga Turqia në mënyrë të paligjshme.
Drejtuesit e BE, të cilët këmbëngulin për të mbajtur kufijtë e mbyllur në përputhje me marrëveshjen e vitit 2016 me Turqinë, mbështesin Athinën.
Sipas marrëveshjes, Bashkimi Evropian i premtoi miliarda dollarë Turqisë për të marrë miliona refugjatë kryesisht sirianë dhe për të mbajtur ata të cilët dëshirojnë të vijnë në vendet e pasura evropiane, larg kufirit.
Ministri i Jashtëm turk Mevlut Cavusoglu tha këtë javë se vendi i tij dëshiron që marrëveshja të ndryshohet.
Ankaraja thotë se Unioni nuk i ka mbajtur premtimet e tij dhe nuk mund të përballojë më refugjatët e rinj nga zona e fundit e konfliktit në Siri. /tesheshi.com/
