Tension dhe përplasje nëpër rrugët e Parisit para samitit të liderve botërorë nesër për çështjen e klimës.
Duket sikur është harruar tragjedia e terrorit dhe kryeqyteti i Francës po përballet me përplasjen e politikës botërore, vendet e varfra ndaj të pasurave.
Mijëra njerëz kanë marshuar në një protestë simbolike me këpucë dhe demonstrate, ku grupet anti-kapitaliste kundërshtojnë politikat diktuese të fuqive të mëdha mbi industrinë e naftës dhe bërthamore.
Këpucët
Ngaqë për motive sigurie nuk janë lejuar manifestime në pjesë të qendrës së Parisit ku do të zhvillohet takimi, atëherë në sheshejanë vendosur këpucë pa fund për të simbolizuar protestën.
Protestuesit në Paris kanë zhvilluar një manifestim të heshur duke treguar këpucët që ishin të lidhura me një mesazh.
Por manifestuesit janë lidhur edhe me zinxhir njerëzor për të denoncuar “Shtetërrethimin klimatik”
Protestuesit kanë prishur zinxhirin vetëm para teatrit Bataclan, në shenjë respekti për 90 personat e vrarë gjatë sulmeve terroriste. /tesheshi.com/
