Skandal në Maltë në hetimet për vrasjen e gazetares Daphne Caruana Galizia, makina e së cilës shpërtheu më 16 tetorin e vitit të kaluar.
Qeveria malteze është gati të arrestojë Maria Efimova-n, një ruse që ka qenë punonjëse e Pilatus Bank, si dhe burimi kryesor i shkrimeve të gazetares së vrarë.
E ndjera Daphne Caruana Galizia shkruante se Pilatus Bank ka kaluar në llogarinë e gruas së kryeministrit maltez, Joseph Muscat, një milion dollarë.
Maria Efimova ndodhet në Greqi, por qeveria e Maltës ka dërguar një kërkesë zyrtare ekstradimi.
Dje një gjykatës grek ka refuzuar ekstradimin e ruses, duke shtuar se ajo duhet të marrë strehim politik.
Por në lojë është futur edhe FBI që ka arrestuar iranianin Ali Sadr Hasheminejad, pronar i Pilatus Bank.
FBI e akuzon për pastrim parash dhe ky hetim ka tronditur edhe më situatën në Maltë.
Ndërkaq, një vendim që ka indinjuar familjarët e gazetares së vrarë ka qenë vendimi për të lëvizur memorialin kushtuar e saj në kryeqytetin e Maltës, La Valletta.
Motra e Gallizia-s e ka cilësuar vendimin për të lëvizur memorialin me pretendimin se sheshi duhet për evente publike, si një qëndrim i ngjashëm me “qeverinë e Koresë së Veriut”. /tesheshi.com/
