Presidenti Thaçi sulmoi krteministrin ende në detyrë Albin Kurti, duke marë shkas nganjë lloj praktike e ndjekur në doganën e Morinit me automjetet e shtetasit nga Shqipëria, në ditën parë të hapjes së kufijve tokësorë nga ana e Kosovës.
“Albin Kurti derisa ka hapur krahë më krah kufirin me Serbinë, për të hyrë kushdo, pa asnjë procedurë si në bahçe të babës, ai nga zyra e uzurpuar sot ka urdhëruar dhe keqpërdorur Policinë e Kosovës. Ai padrejtësisht dhe kundërligjshëm sot ka urdhëruar policinë që të gjithë qytetarët e Shqipërisë që hyjnë në territorin e Kosovës, përpos vonesave procedurale, të dërgohen shtatë ditë në karantinë për të pritur testimin për COVID-19. Po ashtu, me veprime shtesë, ai ka urdhëruar që automjetet transportuese që hyjnë nga territori i Shqipërisë në emër të dezinfektimit të ngarkohen me taksë të veçantë, duke rënduar edhe më shumë lëvizjen e lirë dhe qarkullimin e mallrave.
Ky është absurditet! Hapet me Serbinë dhe e mbyllë Kosovën nga Shqipëria. I heq taksën Serbisë dhe ia vë Shqipërisë.
Ky është predikuesi i bashkimit kombëtar! Në fakt, këto veprime janë shqelmat e fundit të Kurtit nga zyra e uzurpuar!”, shkruan Thaçi.
Më parë, ishte kryeministrin Rama, i cili po kalon një dimër marrëdhëniesh me Kurtin, që quajti si “të çuditshme” praktikat e palës kosovare. Më pas, autoritetet e Prishtinës reaguan menjërherë duke hequr një tarifë 22 euro për dezinfektim. /tesheshi.com/
