Trashëgon fuqinë e Arben Ahmetajt: ç’kërkon znj. Balluku nga SPAK?

Qeveria ka shprehur sërish rezerva ndaj SPAK mbi një lloj selektiviteti ndëshkimor, duke u përqendruar te mazhoranca e sotme e jo te ajo e djeshme.

Kjo u tha nga zv.kryeministrja Balluku, gjatë një interviste të saj në VOA, ku shpjegoi dhe pozicionimin e pushtetit përballë çdo rasti korruptiv në hetim, referuar madje dhe perceptimeve të oponionit.

“Një pjesë e opinionit publik po thonë që qeveria nuk po mbron anëtarët apo ish-anëtarët e saj, gjë që ne nuk kemi asnjë plan ta bëjmë.

Ajo që ne do të donim të shihnim në të ardhmen ishte që i njëjti intensitet që po ndiqet nga SPAK-u sa i takon gjykimit të ish-anëtarëve të qeverisë apo ish-kryebashkiakëve apo kryebashkiakëve apo zyrtarëve në këto momente, të jetë edhe me qeverinë e mëparshme, pasi ka dosje që prej kohësh qëndrojnë në SPAK, që kanë të bëjnë me ish-ministra me familjarë të udhëheqësve të Partisë Demokratike apo partive të tjera.

Ndaj e vetmja gjë që ne kemi për të thënë, pa ushtruar asnjë lloj presioni, por është diçka që nuk e themi vetëm ne, por e thonë një pjesë e mirë e opinionit publik, do të donim të shihnim që edhe nga ana tjetër të ndiqej e njëjta strategji që po ndiqet me gjitha dosjet që lidhen me Partinë Socialiste, me pjesë të kabinetit, apo ish-anëtarë të kabinetit”, tha gruaja që zëvëndësoi si numri dy i qeverisë atë që sot është kryelajm: Arben Ahmetaj. /tesheshi.com/