Në rrugët e Tiranës shumë shpejt do të nisë testimi i autobusëve elektrikë, që do të përdoren për transportin publik. Kjo është bërë e ditur nga kryebashkiaku Erjon Veliaj, sipas të cilit ky jo vetëm është një model i ri, por do i përgjigjet edhe kërkesave të qytetarëve.
“Po investojmë te rrugët, por edhe te mjetet e reja të transportit. Sapo kemi konfirmuar që këtë vjeshtë Tirana të jetë qyteti ku do të testojmë autobusët elektrikë për herë të pare. Do të shohim se si përgjigjen me parametrat e rrugëve të Tiranës, të motit, të temperaturës dhe të distancave të linjave tona.
Me të kaluar me sukses periudhën e testimit do të bëjmë porositë për t’u siguruar që Tirana është avangardë në Evropën Juglindore, kur vjen puna edhe tek cilësia e transportit, por sigurisht edhe tek infrastruktura që na mundëson transporti”, tha Veliaj. /tesheshi.com/
