Me një afat më të gjatë kohor të dritares dimërore të transferimeve, nga 1 janari në 28 shkurt, por dhe me më tepër dëshirë për të shpenzuar, klubet kineze kanë qenë shumë më aktive se ato europiane.
Në përpjekje për të tërhequr emra të mëdhenj të futbollit europian e botëror, klubet kineze shpenzuan 331 milionë paundë gjatë hapësirës dimërore të transferimeve, duke lënë më së pari pas kampionatin anglez.
Një shumë goxha më e madhe se 215 milionë paundët e harxhuara në janar nga 20 ekipet e Premier League-s.
Pas mbetet dhe La Liga spanjolle, e po ashtu kampionatet në Itali, Gjermani e Francë.
Transferimi i brazilianit Oscar nga Çelsi te Shanghai SIPG për rreth 60 milionë paundë, dhe ai i Carlos Tevez-it, që la Argjentinën për të luajtur në Kinë, ishin dy nga afrimet më të bujshme në futbollin kinez.
Sezoni i ri nis në fillim të marsit, ndërsa, siç bën të ditur BBC-ja, janë vendosur kufizime për aktivizimet e lojtarëve të huaj. Shpenzimet joracionale shpresohet të frenohen me kufizimin e lejimit të hedhjes në fushë të vetëm tre lojtarëve të huaj. /tesheshi.com/
