Sezoni veror i transferimeve sjell lëvizje të shumta lojtarësh, ku një prej ligave më të spikatura në këtë pikëpamje është ajo angleze.
BBC-ja jep një përmbledhje të lajmeve në shtypin britanik mbi transferimet e mundshme në ditët dhe javët e ardhshme në Premier League.
Një transferim i tillë i pritshëm është ai i sulmuesit të Realit të Madridit, Alvaro Morata, që javën e ardhshme mund ta shohë veten te Mançester Junajtedi.
Liverpuli kërkon të përfshijë në skuadër egjiptianin Mohamed Salah, i cili është ende në radhët e Romës, por, sipas Daily Mirror-it, duhet të paguajë 35.5 milionë paundë nëse do ta bëjë të tijin lojtarin.
West Ham synon të huazojë portierin e kombëtares angleze, Joe Hart, që sezonin e shkuar u aktivizua në kampionatin italian me Torinon.
Synim tjetër i kësaj skuadre është mbrojtësi Smalling i Mançester Junajtedit.
Liverpuli dhe Çelsi janë momentalisht në garë për mesfushorin 20-vjeçar të Portos, Ruben Neves.
Ndërkohë, Fabio Borini, sulmuesi i Sandërlendit, ka në planet e tij të kësaj vere një kthim në Serinë A.
Jamie Vardy dhe Ahmed Musa, dy sulmuesit e Lestër Sitit, synohen nga Fenerbahçe, skuadra turke që është përfshirë nga ndryshime të thella në përbërje, duke nisur nga trajneri.
Arsenali kërkon ta mbajë fort kilianin Alexis Sanchez, i kërkuar nga Mançester Siti dhe Çelsi.
Sa u përket trajnerëve, Sauthemptoni po shqyrton mundësinë e sjelljes në krye të ekipit të Thomas Tuchel-it, të larguar nga Borusia e Dortmundit. /tesheshi.com/
