Një ekip mjekësor italiano-kinez kanë planifikuar të bëjnë për herë të parë në botë transplantin e kokës në Kinë. Njëri prej mjekëve ka dhënë detaje në lidhje me këtë ngjarje ditën e djeshme, të premten, ndërsa ka bërë me dije se janë mbledhur ekipet më të mira mjekësore.
Ren Xiaoping, i cili ka bashkëpunuar me kirurgun italian Sergio Canavero, është shprehur se shpreson që operacioni të realizohet brenda dy vitesh, vetëm nëse kërkimet përgatitore dhe testet shkojnë sipas planit.
“Shumë media kanë thënë se është vendosur që ne të kryejmë këtë operacion brenda vitit 2017, por ne nuk mund ta themi me saktësi, pasi kjo është në varësi të mënyrës si do të shkojnë procedurat”,- tha mjeku Ren për AFP.
Canavero lajmëroi për këtë projekt në vitin 2013 duke thënë në atë kohë se procedurat mund të realizoheshin brenda vitit 2016. Megjithatë, duket se ka pasur probleme në lidhje me këtë çështje.
Personi që ka dal vullnetar për këtë operacioni është rusi 30-vjeçar Valery Spiridonov, i cili vuan nga sëmundja e njohur me emrin Werdnig-Hoffmann, e cila është një sëmundje progresive dhe e pashërueshme.
Ren ka bërë me dije se operacioni do të realizohet në Harbin Medical University në Kinën veriore, në provincën Heilongjiang. Ai nuk përmendi se cili është dhuruesi i trupit, por dyshohet se mund të jetë një kinez./tesheshi.com/
