Në një takim me mbështetësit e tij në qytetin Cedar Rapids të Shtetit të Iyoua-s, presidenti Donald Tramp foli për përdorimin e murit me Meksikën si “panel diellor”.
Gjatë fushatës për presidencialet amerikane, Tramp e cilësoi emigracionin e paligjshëm nëpërmjet Meksikës si një nga burimet kryesore të problemeve ekonomike dhe shoqërore në Amerikë duke premtuar se në rast të zgjedhjes si President do të ngrinte një mur në kufirin midis dy shteteve.
Edhe pse ende nuk flitet për ecuri të punimeve në ndërtimin e murit, Tramp në këtë fjalim tha se projekti i murit është bërë gati dhe se ai do të ndërtohet, duke theksuar: “Ne kemi nevojë për këtë mur për të ndërprerë depërtimin e lëndëve narkotike…”
Ai vijoi më tej: “unë jam ndërtues dhe ndoshta ndërtimin e njoh më mirë se ccdo gjë tjetër… Mendoj se ne kemi në kufijtë jugorë burime të bollshme dielli dhe nxehtësie…” “Mendoj se muri mund të ndërtohet në formën e një paneli diellor që të mund të prodhojë energji duke nxjerrë kështu shpenzimet e veta.” Ai tha gjithashtu se në këtë mënyrë, edhe Meksika do të detyrohet të paguajë më pak, ccka e konsideroi si diccka të mirë, por, sidoqoftë, duke ngulur këmbë se Meksika do të detyrohet ta paguajë . Ndërkohë, autoritetet meksikane kanë deklaruar se nuk do të parashikojnë kurrëfarë buxheti për ndërtimin e murit.
Aktualisht, në disa pjesë të kufirit midis dy vendeve janë vendosur rrethime, por kjo nuk ka sjellë ndonjë përmirësim serioz të situatës në lidhje me trafikun e paligjshëm. Presidenti Tramp ka propozuar ndërtimin e një muri me lartësi të pakalueshme dhe me një gjatësi prej tre mijë e dyqind km përgjatë kufirit të SHBA me Meksikën. /tesheshi.com/
