Themeluesi i Tesla-s, Elon Musk “fshiu” 14 miliard dollarë në vlerë të kompanisë pasi bëri tweet-in se çmimi i tij ishte shumë i lartë.
Tweet-i i tij gjithashtu uli 3 miliardë dollarët e aksioneve të tij në Tesla ndërsa investitorët u tërhoqën menjëherë nga kompania, raporton BBC.
“Çmimi i aksioneve të Teslas është shumë i lartë për mendimin tim,” shkroi ai në një nga disa tweet-e, duke përfshirë një që premton të shesë pronën e tij.
Në një tjetër cicërimë, ai njoftoi se e dashura e tij ishte e zemëruar me të,.
Wallstreet Journal raportoi që miliarderi mohoi që një cicërimë në lidhje me çmimin e aksioneve të Tesla-s ishte shaka.
Çmimi i aksioneve të Tesla-s është rritur këtë vit, duke e rritur vlerën e prodhuesve të makinave elektrike në afro 100 miliardë dollarë, gjë që mund t’i jepte një pagese bonus prej disa qindra milion dollarësh.
Komentet ironike të Musk sigurisht që janë një dhimbje koke për investitorët dhe ndikojnë në çmimet e aksioneve, dhe kjo nuk është hera e parë që ky miliarder ka “luajtur” në këtë mënyrë.
Për shkak të një tweet-je nga viti 2018 për të ardhmen e Tesla-s në Bursën e Nju Jorkut, rregullatorët e gjobitën me 20 milion dollarë, pas së cilës ai ra dakord që të gjitha postimet pasuese në këtë platformë të rishikohen nga avokatët.
Muajin e kaluar, një gjykatë federale vendosi që Tesla dhe Musk duhej të përballeshin me një proces gjyqësor nga aksionarët mbi tweet-in e tij privat, të cilët pretendonin se Musk synonte t’i mashtronte ata. /tesheshi.com/
