Kim Phuc Phan Thi mendoi se do të duhet të jetonte pjesën e mbetur të jetës me plagët që mbulojnë pjesën dërmuese të trupit të saj, “por tani toka më është bërë përsëri parajsë”, ka thënë ajo për Miami Herald.
Thi, një grua 53-vjeçare vietnameze ka jetuar në Kanada për më shumë se 20 vjet. Ajo u bë e famshme, edhe pse në mënyrë anonime, kur Nick Ut, një fotograf i Associated Press bëri foton e saj gjatë Luftës së Vietnamit.
Shumica e njerëzve e njohin Thi si “Napalm Girl”.
Thi gjeti përsëri lumturinë e saj duke falendëruar Institutin për dermatologji dhe laser në Miami, të drejtuar nga Dr Jill Waibel.
44 vjet pasi Thi ishte një viktimë e sulmit me napalm, të lëshuar nga një avion i Vietnamit të jugut, ajo pa një reklamë për trajtim nga Dr Waibel në televizion. Ajo i bëri një telefonatë klinikës dhe pasi mori vesh për historinë e saj, Dr Waibel ofroi të kryejë trajtimin falas për të.
Të shtunën, Thi përfundoi trajtimin e saj final të lëkurës me laser, një proces i cili zgjati nëntë muajt e fundit.
Në sajë të një metode të re të trajtimit, gjatë së cilës janë përdorur mbi 50 laserë që kanë mundësuar indet e reja të lëkurës të rriten në zonat e prekura, Thi tani mund të ndjejë sërish dorën e nipit të saj në prehrin e saj. “Përpara, nganjëherë prekja gjëra dhe e dija se çfarë ishin. Tani mund të ndjej çdo gjë që prek”, tha Thi.
Thi është fotografuar më 8 qershor 1972, kur ajo ishte vetëm 9-vjeç, e zhveshur nga rrobat e saj gjatë sulmit me napalm, duke ikur nëpër një rrugë nga fshati i saj Trang Bang në Vietnamin jugor. Fotoja u publikua menjëherë në mbarë botën dhe mbetet një simbol i fuqishëm për të gjithë fushatat paqësore në botë.
Pasojat e momentit të kapur nga Nick Ut në vitin 1972 (Ut fitoi çmimin Pulitzer për fotografinë e tij) lanë Thi me plagët që shtrihen nga vija e flokëve të saj, poshtë shpinës së saj, deri në krahun e saj të majtë. “Ishte aq e rëndë”, tha Dr Waibel: “Ishte shkalla e katërt e djegies”.
“Kurrë nuk e kisha menduar se një ditë do të mund të shëroja plagët e mia dhe do të harroja dhimbjen,” tha Thi. Por, me teknologjinë mjekësore cutting-edge laser, vajza që është parë si simbol i dhimbjes dhe vuajtjeve të luftës për gati 50 vjet, ka gjetur paqen të cilën e ka kërkuar si fëmijë./tesheshi.com/
