Kryeministri në pritje i Kosovës Albin Kurti, mbërriti në Durrës për të ndjekur nga afër situatën e pastërmetit në zonat e prekura. Ai vlerësoi atë se çfarë po bëjnë trupat kosovare të emergjëncë, në bashkëpunim me ato shqiptare.
“Erdhëm që të shohim konkretisht gjendjen. Besoj që në një krizë të tillë, ushtria është edhe mjeti edhe mënyra më e mirë për organizim të duhur. FSK dhe Ushtria e Shqipërisë po bashkëpunojnë në mënyrë të shkëlqyeshme.
Me profesionalizmin e tyre, ata po na i ngrohin zemrat se do të dalim nga kjo gjendje e rëndë që na ka goditur. Besoj që dy Qeveritë tona duhet të takohen dhe tema të jetë gjendja pas tërmetit”, u shpreh Kurti. /tesheshi.com/
