Driton Kuka, trajneri i Majlinda Kelmendit, është shumë i zemëruar me institucionet e Kosovës. Ai ka akuzuar qeveritarët se Majlindës nuk i ka dalë asnjë cent për pagat ndaj saj prej korrikut të 2016.
Përveç kësaj, Kuka ka akuzuar shtetin se Federatës së Xhudos po i bllokohen mjetet financiare, duke thënë se dikush po punon kundër këtij sporti.
Madje, Kuka kërkon nga politikanët që për çdo fotografi që nxjerrin krah për krah me Majlindën duhet të marrin leje, pasi në të kundërt do të përballen me gjykatën.
“Kush po punon për kolapsin e Sportit në Kosovë!?
A kanë njohuri Institucionet e Shtetit që Kampiones Olimpike si ka dal asnjë cent për pagat ndaj saj prej korrikut 2016 !!!
A keni njohuri që Federatën tonë dikush po e bllokon me financa prej marsit 2017!!!?
Çfarë po pretendohet me këto bllokada, deri kur po mendoni që duhet duruar bllokada e sportit!?
Po mburreni kudo që Kosova ka vlera e ka kampionen Olimpike por nuk po pyet askush si po trajtohet ajo!!
A mos po krijohet përshtypja që duhet edhe Majlinda të vijë të qajë e trokasë nëpër dyer të Ministrisë e të duket sikur po kërkon lëmoshë sikur disa sportist që janë sjell në atë gjendje!?
Nuk do e shihni kurrë asnjë nxënës timin në atë gjendje ,nuk mund të shantazhoni kampionen Olimpike të vijë e t´I lutet askujt!”, shkruan ai.
