Një ngjarje e pazakontë ka ndodhur në ndeshjen ndërmjet Atletico Madrid dhe Astanas. Skuadra modeste nga Kazakistani nuk kishte arritur të grumbullonte dot 18 futbollistë për ndeshjen në Spanjë ndaj Atleticos. Pos formacionit titullar, në bankën e rezervistëve ishin vetëm katër futbollistë.
Trajneri bullgar i skuadrës, Stanimir Stoilov, pas ndeshjes konfirmoi se i ka pushuar me qëllim gjashtë futbollistë të formacionit bazë, pasi që në fundjavë kishte ndeshje me rëndësi në kampionatin kazak.
“Kemi ndeshje me rëndësi në vazhdim të kampionatit, kështu që kam vendosur t’i pezulloj disa nga lojtarët. Kemi udhëtuar me 14 futbollistë, por kjo nuk do të thotë që skuadra e Astanas është e papërgatitur për këtë kompeticion garash”, përfundoi Stoilov.
Astana e humbi ndeshjen ndaj Atletico Madridit me rezultat bindës 4-0./tesheshi.com/
