Trajneri i njohur italian Arrigo Sacchi i ka dërguar ditën e sotme një mesazh urimi Kryeministrit Edi Rama, në lidhje me paraqitjen e djemve të Kombëtares tonë të futbollit.
Në mesazhin dërguar në telefonin e Ramës, të cilin vetë Kryeministri e ka ndarë me publikun nëpërmjet një postimi të tijin në Facebook, Sacchi thotë se ata e kanë nderuar profesionin dhe atdheun e tyre.
Ja mesazhi i plotë:
“I dashur Edi,
jam plotësisht dakord me çfarë ke shkruar në letrën tënde për paraqitjet e bukura të djemve të De Biazit. Një grup i vërtetë, sakrifikues dhe i vendosur, që ka luajtur edhe një futboll të mirë. Nga ana tjetër kur njerëzit japin gjithçka, siç ata kanë bërë duke nderuar profesionin dhe atdheun e tyre, meritojnë vetëm lavdërime.
Një përqafim të fortë
Arrigo Sacchi” /tesheshi.com/
