Trajneri i kombëtares italiane, Giampiero Ventura, nuk e kishte të lehtë të përtypte humbjen e thellë në Santiago Bernabeu, me rezultatin 3:0 nga Spanja.
“Furia e Kuqe” pothuajse e ka siguruar kualifikimin në Kampionatin Botëror.
“Në përgjithësi u pa diferenca e kualitetit mes dy formacioneve. Mirëpo, duhet të pranoj që shumë gjëra ia dhuruam ne Spanjës, duke bërë shumë gabime.
Pësuam dy gola që mund të shmangeshin, një me faull dhe tjetrin me goditjen e parë që morëm në portë. Mëkat që ndodhi kështu. Portieri i tyre De Gea bëri tri pritje të rëndësishme. Ndeshja mund të ishte hapur”, ka thënë Ventura.
Në vijim ai shtoi se “tani kemi detyrim fitoren me Shqipërinë dhe skuadrat e tjera të grupit. Duhet të grumbullojmë sa më shumë pikë për kualifikimin”. /tesheshi.com/
