Një aksident i rëndë dje në Rrogozhinë ka nxjerrë në pak fatin tragjik të atij që humbi jetën në timon, një i ri 17 vjeç, i quajtur Festim Meçja, nga një fshat aty pranë, emigrant në Itali. Ai u shua nën rrotat e një trajeri pikërisht pak kilometra larg banesës së tij në Sinaballaj të Rrogozhinës, ku mezi priste të takonte familjarët që do t’u shfaqej surprizë. Ata nuk dinin asgjë për kthimin e njeriut të tyre që kthehej në fshat dhe për dy dasma në fis.
Por parakalimi i gabuar dhe humbja e kontrollit të automjetit tip Benz që drejtonte, bënë që të jepte frymën e fundit poshtë rrotave të një trajleri. Ai mbeti i bllokuar për rreth një orë në mjet derisa u bë e mundur nxjerrja e trupit të pajetë.
Që nga momenti i aksidentit u deshën shumë orë që të mësohej identiteti i tij dhe detaje mbi ngjarjen e rëndë.
Ai ishte nisur për në Shqipëri nga Parma ku jetonte e punonte prej kohësh, që të merrte pjesë në dy gëzime familjare. Ai nuk donte të humbiste martesat e të afërmve të fisit dhe nuk vuri askënd në dijeni për kthimin në atdhe pas një viti, duke zgjedhur ta suprizonte familjen kur ta shihte të dera.
Por ky skenar u zhbë së bashku me ideatorin. Edhe dy dasmat u kthyen në mort.
Mësimi i nxjerrë: bëni durim përballë “epshit” për parakalim, aq me tepër kur është i gabuar. /tesheshi.com/
