Historia rrënqethëse e familjes Balliu ne fshatin Brret të Krujës publikuar afro një vit më parë, tashmë është rikthyer në tragjedi duke humbur dy jetë njerëzore.
Besim Balliu dhe bashkëshortja e tij, pak kohë më parë janë ndarë nga jeta nga sëmundja e rëndë, por dhe prej kushteve të vështira të jetesës së tyre.
Besimi, dy muaj më parë është dërguar për kurim në spitalin universitar “Nënë Tereza” të Tiranës, por nuk ka mundur të mbijetojë nga sëmundja, ndërsa deri e ëuan disa bashkëfshatarë.
Mjaft e shimbshme teksa sjell në kujtesë kushtet e rënda të kësaj familjeje e cila nuk ka patur asnjë përkujdesje nga ana e strukturave shtetërore për akomodimin e tyre në qendra sociale, ku mbase dhe mund të shijonin ditë ndryshe.
Muharrem Kulla, banor i fshatit Brret, pjesë e njesisë administrative të Krujës, ka patur në vëmendje këtë familje, ndonëse apeli i tij nuk është marrë në konsideratë nga strukturat e qeverisjes për t’i ardhur në ndihmë asaj, pra familjes Balliu me gjashtë anëtarë, tashmë dy prej tyre kanë humbur jetën.
Besimi, vetëm 36 vjeç kishte krijuar lidhje me një grua sa dy herë mosha e tij dhe me të njëjtën gjendje si ai, por jeta bashkëshortore nuk ka zgjatur shumë pasi çfiti janë ndarë nga kjo jetë njëri pas tjetrit. Sakaq dhe nëna e Besimit, Meme Balliu ndodhet gjithashtu në gjendje të rëndë shëndetësore, ndërsa ka humbur shikimin.
Muharrem Kulla e kishte parashikuar gjendjen e rëndë dhe dyshimet për humbjen e jetëve të familjarëve, ndërsa asnjeri nuk do të kujtohej për ta larguar këtë familje nga gjendja e tmerrshme ku dhe ndodheshin.
Tashmë në shtëpi ndodhen dy të moshuarit, Xhemal dhe Meme Balliu si dhe dy vajzat e tyre Lindita dhe Dëshira, të së njëjtës gjendje duke sjellë në rikujtesë tek institucionet rastin e rrallë në familjët shqiptare
A. Zani – /tesheshi.com/
