Një aksident i rëndë me pasojë vdekjen e dy vajzave të reja, ka ndodhur mbrëmjen e kësaj të diele në dalje të tunelit në aksin Tiranë Elbasan.
Një makinë tip Benz më targa AB 209 AD, ku në timon ka qenë shtetasi Behar Pema, 58 vjeç, ka goditur nga pas një makinë tip Volksëagen, me targa AA 409 VE, ku ndoheshin katër vajza.
Për pasojë, automjeti i tyre është ndarë më dysh nga përplasja e fortë, ku, edhe pse janë nxjerrë me shenja jetë, dy prej tyre, Lusinda Garunja dhe Xheneta Qallia,banuese në Shkodër, nuk kanë mundur të mbijetojnë.
Dy të tjerat, mes tyre pronarja e automjetit Denisa Dibra, po trajtohen te Spitali i Traumës, pasi janë në gjendje të rëndë.
Nga hetimet e para, ka rezultuar se drejtuesi i Benzit ka qenë në gjendje të dehur. /tesheshi.com/
