Dy ngjarje të rënda janë shënuar në Shqipëri gjatë 24 orëve të fundit. Dy vajza të reja, njëra në Fier dhe tjetra në Durrës kanë vendosur t’i japin fund jetës së tyre duke u vetvrarë.
Policia e Durrësit njoftoi sot se një 24-vjeçare me inicialet S. Ç. banore në fshatin Xhafzotaj të Durrësit, është vetëhelmuar me fostoksinë.
Dyshimet e para janë se vajza ka qenë në gjendje të rënduar psikologjike. Dosja i ka kaluar Prokurorisë së Durrësit për vlerësim për akuzën e “shkaktimi të vetëvrasjes”.
Ndërkohë në Fier, po gjatë natës, një vajzë 19-vjeçare i dha fund jetës duke u hedhur nga kati i tetë i një pallati.
Ngjarja ka ndodhur rreth orës 02:10, në lagjen “Apollonia” Fier, ku shtetasja S.B, 19-vjeç nga Kuçova dyshohet se është hedhur nga kati i 8-të i pallatit dhe ka gjetur vdekjen e menjëhershme.
Policia ka marrë në pyetje bashkëjetuesin e saj, 38-vjeçarin me inicialet A.Ç.
Ai do të pyetet për të hedhur dritë rreth ngjarjes dhe nëse kanë pasur debate bashkë dhe çfarë mund ta ketë shtyrë 19-vjeçaren të hidhej nga kati i tetë./tesheshi.com/
