Kryeministri i Irakut Adel Abdel-Mahdi ka njoftuar një seri masash për të qetësuar protestat vdekjeprurëse anti-qeveritare.
Që nga e marta, mijëra njerëz kanë okupuar rrugët e Bagdadit dhe disa provincave duke protestuar kundër korrupsionit, mungesës së vendeve të punës dhe shërbimeve të dobëta, duke kërkuar furnizim me energji elektrike dhe ujë të pastër.
Të paktën 100 njerëz u vranë në protesta dhe qindra u plagosën.
Abdel-Mahdi tha pas një mbledhje të kabinetit se te masat e reja, të vrarët në protesta do trajtohen si “dëshmorë” dhe familjet e tyre do kenë përfitime.
“Qeveria to të krijojë një program trajnimi për 150,000 irakenë të papunë dhe do të japë kredi për ndërmarrjet e vogla dhe të mesme”, tha kryeministri irakian.
Protestat shpërthyen një vit pasi Abdel-Mahdi mori drejtimin e qeverisë në Irak.
Forcat e sigurisë përdorën topa uji, gaz lotsjellës, plumba gome dhe municion si përgjigje ndaj protestuesve. /tesheshi.com/
