Donald Trump ka deklaruar se do të marrë një vendim të rëndësishëm për Sirinë brenda 24 orëve, pas sulmit me armë kimike në Douma.
Pritet një bombardim i fuqishëm siç ndodhi vitin e kaluar kur avionët amerikanë sulmuan forcat e Asadit pas vrasjes së fëmijëve në një qytet sirian.
Trump reagoi pas një postimi në twitter ku akuzoi rëndë Iranin e Rusinë që mbështesin një “kafshë” si Asad që vret fëmijë me armë kimike dhe do ta paguante rëndë për këtë.
James Mattis, shefi i Pentagonit deklaroi se bëhet fjalë për një aksion të rëndësishëm ushtarak kundër regjimit të Bashar al Asadit.
Ka shumë gjasa që të futen edhe trupat tokësore.
Ndërkaq, Sergej Lavrov ministri i Jashtëm rus ka mohuar se Asad ka përdorur armë kimike, duke akuzuar Izraelin për manipulime.
Lavrov tha se ekspertët e tij ushtarakë nuk kanë gjetur “asnjë të dhënë mbi përdorimin e substancave kimike”.
Kurse SHBA ka thënë se do të vendosë pasi të konsultohet me shërbimet sekrete të Izraelit, përkatësisht Mossad, që është shërbimi inteligjent me jashtë dhe Aman, shërbimi sekret ushtarak. /tesheshi.com/
