17 trupa ta pajetë u gjetën në një shtëpi pleqsh në shtetin e New Jersey-t, por ende nuk dihet nëse ata janë njerëz që vdiqën nga koronavirusi.
Shefi i policisë Eric Danielson tha se ata morën një telefonatë për këtë ndodhi.
Këta 17 persona të ndjerë janë pjesë e 68 të vdekurve kohët e fundit në institucion, 26 prej të cilëve ishin të infektuar.
“Stafi ishte padyshim i mbingarkuar dhe me siguri i pakualifikuar,” i tha Danielson AFP-së.
“Kjo është një shtëpi pleqsh e licencuar. Departamenti i Shëndetit në New Jersey do të zhvillojë hetimin e nevojshëm. Çështje të tilla si mënyra e trajtimit të pacientëve, pavarësisht nëse janë dërguar në spital apo jo, duhet të sqarohen,” tha ai.
Ai theksoi se ishte e nevojshme të kryhej një hetim i plotë dhe se ekipet hetimore aktualisht po përpiqeshin të përcaktonin se çfarë kishte ndodhur në shtëpi gjatë dy javëve të fundit.
Ai shtoi se ende nuk dihej nëse shkaku i vdekjes së personave të gjetur
Ky rast, i cili ndodhi në shtetin federal që ka më shumë vdekje pas New York-ut, ilustron situatën dramatike edhe të shtëpitë e pleqve.
Në New York dhe New Jersey, autoritetet kanë premtuar të japin informacion të saktë mbi gjendjen e këtyre shtëpive. /tesheshi.com
