Holanda dhe Australia konfirmuan nisjen e bisedimeve trepalëshe me Rusinë, në kuadër të një hetimi të vazhdueshëm për rrëzimin e avionit të Malaysia Airlines mbi Ukrainë në vitin 2014.
Të dy vendet të vitit të kaluar njoftuan se Rusia konsiderohet përgjegjëse për raketat e forcave pro-ruse në Ukrainë, të cilat dyshohet se qëlluan aeroplanin në fluturim, duke vrarë pasagjerët dhe ekuipazhin, gjithsej 298 persona.
Ndër viktimat, kishte 196 holandezë dhe 38 australianë.
Ministrat e jashtëm të Holandës dhe Australisë, Stef Blok dhe Marise Payne, kanë deklaruar se bisedimet e para u zhvilluan në fillim të këtij muaji, pas kontakteve diplomatike në fillim të 2019.
“Ne nuk mund të themi detaje, sepse konfidencialiteti është vendimtar. Por mund të themi ne mbetemi të angazhuar për të vërtetën, drejtësinë dhe llogaridhënien”, tha Block në konferencë me homologun australian në Sidnej.
Hetuesit ndërkombëtarë vitin e kaluar kanë raportuar se kanë prova të forta që sistemi i raketave nga i cili u godit avioni, u lëshua nga njësitë ushtarake pro-ruse.
Rusia mohoi përfshirjen dhe hodhi poshtë pretendimet e hetimit sepse nuk ishte ftuar të ishte pjesë e ekipit hetues.
Nëse Rusia njeh një formë të përgjegjësisë ligjore, kjo mund të çojë në një kërkesë për kompensim për të afërmit e viktimave. /tesheshi.com/
