Arabia Saudite, Emiratet e Bashkuara Arabe, Katari dhe Turqia kanë lëshuar një deklaratë të përbashkët duke i bërë thirrje Këshillit të Sigurimit të OKB-së për mbajtjen e një seance të jashtëzakonshme në lidhje me situatën në Siri.
Në deklaratën e tyre, këto vende i kanë bërë thirrje OKB-së që të marrë përsipër përgjegjësinë për rivendosjen e sigurisë dhe të paqes në Siri, duke vënë në theksin tek vuajtjet humanitare të njerëzve, sidomos në pjesën veriperëndimore të qytetit të Halepit.
Në Halep, situata humanitare është përkeqësuar dhe spitalet nuk janë më në gjendje për të trajtuar ata civilë që i kanë shpëtuar vdekjes, sidomos pas bombardimeve të rënda nga ana e regjimit sirian kundër zonave të kontrolluara nga rebelët në lindje të qytetit.
Ushtria e Sirisë ëshët shtyrë të shtunën më tej në lindje të Halepit, në një sulm shkatërrues, duke i mundësuar kështu vendosjen nën kontroll të më shumë se gjysmës së ish-bastionit të kryengritësve.
Deklarata vjen pasi sesioni urgjent i mbajtuar paraprakisht nga OKB-ja për Halepin të mërkurën dështoi të sjellë ndonjë veprim për t’i dhënë fund vuajtjeve në Siri.
Një paralajmërim nga Stephen O’Brien, Sekretarit të Përgjithshëm për Çështjet Humanitare të OKB-së, të mërkurën hasi gjithashtu në vesh të shurdhër.
“Për hir të njerëzimit u bëjmë thirrje të gjitha palëve dhe atyre me ndikim, të bëjnë gjithçka që është në fuqinë e tyre për të mbrojtur civilët dhe për të mundësuar ndërhyrje në pjesën e rrethuar të Halepit lindor, para se të bëhet një varrezë masive”, tha O’Brien gjatë një seance të jashtëzakonshme të mbajtur nga OKB-ja për Halepin.
Por pas sesionit, Rusia tha se do të vazhdojë aktivitetin e saj në Halepin lindor dhe do të shpëtojë qytetin sirian nga çfarë ajo i konsideron si terroristë. /tesheshi.com/
