Ministri italian i Transportit, Danilo Toninelli bëri thirrje për dorëheqjen e drejtuesit kryesor të kompanisë që ishte duke punuar në rikonstruksionin urës “Morandi” e cila u shemb paraditen e së martës, me pasojë 35 të vdekur deri më tani.
“Para së gjithash, kreu i ‘Autostrade per l`Italija’ duhet të japë dorëheqjen”, tha Toninelli në Facebook.
Më pas ai tha se kompania “nuk ka qenë në gjendje të përmbushë detyrimet bazë të marrëveshjes për rehabilitimin në këtë njësi e infrastrukturës”.
Qeveria, tha ai, të marrë në konsideratë heqjen e kësaj kompanie, e cila është pjesë e grupit Atlanta, dhe e cila kishte një koncesion për të punuar në urën “Morandi”. Ministri propozoi dhe gjobitjen e saj.
“Unë kam autorizuar ministrat për të filluar të gjitha procedurat për anullimin e marrëveshjes, e cila do ta revokojë koncesionet me këtë kompani dhe të kërkojnë ndeshkime deri në 150 milion euri, në bazë të kushteve të përcaktuara në kontratë”, ka thënë Toninelli.
Ura është ndërtuar në vitet ’60 të shekullit të kaluar, dhe u rikonstruktua në vitin 2016. /tesheshi.com/
