Një defekt në lavatriçe është shkaku i jetëhumbjes së trefishtë nga korrenti në familjen Kola në Fushë-Arrëz.
Prena Kola 43 vjeçe, nëna e dy vajzave, Sidorela Kola 19 vjeçe dhe Ermira Kola 16 vjeçe, humbën jetën në mënyrë tragjike njëra pas tjetrës, pasi ranë kontakt me rrymën.
Kanë qenë një grup ekspertësh nga Tirana ata që kanë dalë në përfundimin se nëna me dy vajzat humbën jetën për shkak të një defekti në lavatriçe.
Sipas raportit, energjia elektrike u përcoll nga defekti i lavatriçes deri të dushi në banjo, duke çuar në humbjen e tre jetëve.
Kujtojmë se ngjarja e rëndë ndodhi të shtunën në qytezën veriore. /tesheshi.com/
