“Kutitë e zeza” të aeroplanit Jeju Air që u rrëzua më 29 dhjetor ndaluan regjistrimin rreth katër minuta para se të rrëzohej në aeroportin Muan në Korenë e Jugut, duke vrarë 179 nga 181 personat në bord, tha sot Ministria e Aviacionit të Koresë së Jugut të Transportit.
“Analiza (që u krye) zbuloi se regjistruesi i zërit të kabinës (CVR) dhe regjistruesi i të dhënave të fluturimit (FDR) nuk regjistruan katër minutat para rrëzimit të aeroplanit”, tha ministria në një deklaratë.
Autoritetet që hetojnë fatkeqësinë ajrore, më e keqja ndonjëherë në Korenë e Jugut, planifikojnë të shqyrtojnë se çfarë çoi në ndërprerjen e regjistrimit nga dy “kutitë e zeza” të Boeing-ut, shtoi ministria në deklaratën e saj.
Analiza e regjistruesit të zërit në kabinën e pilotit u krye fillimisht në Korenë e Jugut dhe më pas, kur u zbulua humbja e të dhënave, u dërgua në një laborator të Bordit Kombëtar të Sigurisë së Transportit të SHBA-së, vijoi në njoftimin e saj Ministria e Transportit të Koresë së Jugut.
Regjistruesi i të dhënave të fluturimit, i cili është dëmtuar, është transportuar në SHBA për analiza në bashkëpunim me rregullatorin përkatës të sigurisë amerikane, sqaron gjithashtu ministria.
Boeing 737-800 i linjës ajrore me kosto të ulët të Koresë së Jugut Jeju Air, që vinte nga Bangkoku, u ul në bark në aeroportin Muan, në Korenë jugperëndimore, disa sekonda përpara se të përplasej me një strukturë betoni në fund të pistës dhe të kthehej në top zjarri.
Një total prej 179 nga 181 personat në bord vdiqën, me vetëm dy stjuardesë që i mbijetuan fatkeqësisë, e cila është fatkeqësia më e keqe ajrore që ka ndodhur në tokën e Koresë së Jugut. /tesheshi.com/
